- 167 -
1432 (26. listopada) Wrocław, w środę po dniu św. Katarzyny Dziewicy etc.
Pokwitowanie Hansa von Reibnitz przejęcia swojej części zdobyczy wojennej na taborytach i husytach.
— Ich Hanns Reybenicz bekenne offinlichen mit desem briefe allen, die in sehen, horen adir lesen, das mir die erbarn vnd weisen ratmanne der stat Breslow eyn gancz volkomen gnugen geton haben von des dritteteils wegen der gefangen der Thaborer, die bey dem weyne gefangen wurden, die den NeissernNysanie geborten, vnd ouch sust von aller gefangen wegin der Thaborer vnd ketczer bis doher, doran ich teil gehabt habe und mir geborten, mit namen vff mein fumff pferd, vff Boruths vir pferd vnd vff NymptschNiemcza vier pferd, der ich mich ouch habe gemechtigt vnd begeben, vnd sust von aller gefangen wegin, doran ich bewtenteil hette mocht haben, keyns vsgenomen, also das mir wol genuget, vnd globe vor mich, meine erben vnd nachkomen, dieselben ratmanne vnd stat zu Breslaw, noch keinen derselben stat burger noch ynwoner von derselben gefangen wegen hernochmols nymmer anczulangen noch anczusprechen, geistlich noch wertlich, noch in keiner weise. Vun des zu bekentnis habe ich vorgenanter Hanns Reybenicz mein ingesigel vff desen brieff gedruckt.
Geschreben zu BreslawWrocław an der mitwochen noch Katherine virginis. Anno domini millesimo CCCCo XXXIIdo.